مطبق زبيدي ع الطريقه الفوفويه: خلطه البهارات المستخدمه بالوصفه كلها: م ك كمون م ك كزبره م ك كزبره م ك فلفل اسود م ك ملح ٢ م ك كركم ٢ م ك لومي م ص هيل م ص دارسين ينخلطون عدل مدل . . تنظفين الزبيدي وتبهرينه من كل صوب وتقلينه بسمنه وزيت ( ملاحظه لازم تكون كميه الماده الدهنيه غزيره ) بعد ماقليتي السمج تاخذين من زيته وتقلين فيه بصله كبيره مفرومه ناعم و فليفله مفرومه ناعم وتذبلينهم عدل بعدها تنزلين عليهم مغلف ماجي وبس يذوب تنزلين ٥ فصوص ثوم مفرومين من تبرز ريحته تنزلين قفشه لي قفشتين من البهار المخلوط بعدها انزل طماطه مفرومه وجم قرن فلفل حار بس تتمخمخ الطماطه اقصر النار وانزل كوب شبنت مفروم عليه كوب كزبره مفرومه واقلبهم قلبتين تالي اخذ من حشوه ملاسين كبار اخليهم ع جنب وانزل ع بقايا الحشوه وحده من السمج اللي قليتهم واغطيها بالحمسه وانزل عليهم عيش مغسول ومنقوع اقل شي ساعه اغمرهم بالماي الحار لي فوق المكونات بنتفه واخليهم ع نار عاليه لين يدش العيش بيوته انزل ع الوجه الحشو اللي شلته ع جنب بعد ماخلظته مع شويه سمنه وارص ع وجه العيش السمج وارشهم هيل ودارسين وشويه زعفران واغطيهم لمده ٢٥ دقيقه ع نار هاديه شمعه وبالعافيه #مطبق#مطبق_زبيدي #مطبق_سمج #مطبق_سمك #عيش_وسمك #عيش_وسمج #سمج#سمج_كويتي #سمك#زبيدي#زبيدي_قاع_الجدر #سهلة_التحضير #سهله #لذيذ #لذيذة #فوفو_سمج #فاتيلا_سمج#سمج_فوفو#سمك_فوفو#فاتيلا_سمك#سمكة #مطبق_لذيذ