ប្រទីបរបស់ វឌ្ឍនៈ គ្រុប បង្ហាញពីវឌ្ឍនៈភាពនិងភាពរីកចម្រើនរបស់ប្រទេសកម្ពុជា —----------------------------------------- ប្រទីបរបស់វឌ្ឍនៈ គ្រុប គឺជាប្រទីបដែលបង្ហាញពីវឌ្ឍនៈភាព និងភាពរីកចម្រើនរបស់ប្រទេសកម្ពុជាតាមរយៈការចូលរួមរបស់វិស័យឯក ជនដែលជាផ្នែកមួយដ៏មានសារៈសំខាន់មិនអាចខ្វះបានក្នុងការអភិវឌ្ឍប្រទេសជាតិ។ ប្រទីបនេះរចនាឡើងដោយរំលេចនូវព្យញ្ជនៈខ្មែរ គឺព្យញ្ជនៈ “វ” ដែលត្រូវបានប្រើប្រាស់ជានិមិត្តសញ្ញារបស់ វឌ្ឍនៈ គ្រុប ដែលជាបុត្រសម្ព័ន្ធបង្កើតឡើងដោយជនជាតិខ្មែរសុទ្ធសាធ។ អក្សរ វ ដែលចែងចាំងដូចមាសនេះ ហ៊ុមព័ទ្ធដោយការរចនានៅសិល្បៈក្បាច់ចម្លាក់អង្គរ តំណាងឲ្យភាពគង់វង្ស និងរឹងមាំរបស់វឌ្ឍនៈគ្រុបជ្រកក្រោមទង់ជាតិខ្មែរដែលជាដែនដីកំណើតដ៏អស្ចារ្យ។ នៅក្នុងនោះក៏មានវត្តមានអគារដ៏លេចធ្លោបំផុតប្រចាំរាជធានី ភ្នំពេញគឺអគារពាណិជ្ជកម្ម វឌ្ឍនៈ កាពីតាល់ ដែលជាអាគារដ៏ខ្ពស់កឹមស្កៃប្រកបដោយស្ថាបត្យកម្មនិងរចនាបទប្រណិតប្លែកគេ រះយ៉ាងសន្ធឹងនៅចំកណ្ដាលរាជធានីភ្នំពេញប្រកបដោយសក្តានុពលល្អបំផុត យើងក៏ឃើញមានរូបគួរស្រូវដែលតំណាងឱ្យវិស័យកសិកម្មជាវិស័យស្នូលដ៏សំខាន់មួយសម្រាប់ឆ្អឹងខ្នងសេដ្ឋកិច្ចកម្ពុជា និងភ្ជាប់ជាមួយនឹងពាក្យស្លោក អរគុណសន្តិភាព នៅខាងក្រោម ដែលបែងចេញពីឬសគល់នៃការអភិវឌ្ឍ របស់កម្ពុជាពាក្យស្លោកនេះត្រូវបានរចនាឥឡើងដើម្បីបង្ហាញអំពីការដឹងគុណ យ៉ាងជឿជ្រៅរបស់វឌ្ឍនៈគ្រុប ចំពោះសន្តិភាព ការដឹកនាំដ៏ឆ្លាតវៃរបស់ប្រមុខរាជរដ្ឋាភិបាលកម្ពុជាមានសន្តិភាព ទើបមានការអភិវឌ្ឍ។ ជាក់ស្ដែងសន្តិភាពនេះហើយ ទើបធ្វើ ឲ្យ វឌ្ឍនៈ គ្រុប បានបោះជំហានបន្តបន្ទាប់ចូលក្នុងគ្រប់វិស័យ និងបានចូលរួមអភិវឌ្ឍប្រទេសកម្ពុជា តាមរយៈការបង្កើតការងារជូនប្រជា ពលរដ្ឋយើងដោយផ្ទាល់និងដោយប្រយោលរាប់សែននាក់ រួមចំណែកបង្កើនចំណូលពន្ធជូនរដ្ឋយ៉ាងច្រើនសន្ធឹកសន្ធាប់សម្រាប់ជំរុញ ក៏ដូចជាកំណើនសេដ្ឋកិច្ចជាតិ។ និងជាពិសេសតែងតែចូលរួមជំរុញផលិតកម្មផលិតផលទំនិញ និងសេវានៅក្នុងស្រុកឱ្យកាន់តែមានស្តង់ដានិងគុណភាពខ្ពស់ព្រមទាំងបង្កើតស្នាដៃដ៏អស្ចារ្យនិងនាំយកកិត្តិយសជូនជាតិដែលផលិតផលនិងសេវាកម្មរបស់កម្ពុជាត្រូវបានទទួលស្គាល់លើឆាអន្តរជាតិ។ #waterfestivalcambodia #phnompenhwalk